İdman

Bu ölkə ÇL-də 5 klubla təmsil olunacaq: Say 7-yə qədər arta bilər

8 Aprel 2026 09:42

2026/2027 mövsümündə UEFA Çempionlar Liqasının əsas mərhələsinə 5 İngiltərə klubu vəsiqə qazanacaq.

Publika.az xəbər verir ki, bu əlavə yer "Arsenal"ın "Sportinq" üzərində 1:0 hesablı qələbəsi sayəsində əldə edilib.

Xatırladaq ki, Çempionlar Liqasının final mərhələsində iştirakçı sayı 36 komandaya çatdırıldıqdan sonra iki əlavə vəsiqə UEFA əmsallar cədvəlində mövsüm üzrə ən çox xal toplayan ölkələrə verilir. “Arsenal”ın qələbəsi İngiltərə klublarının 2025/2026 mövsümündə topladığı xalları 25,013-ə çatdırıb. İkinci əlavə vəsiqə uğrunda Almaniya və İspaniya mübarizə aparır.

Hazırda Premyer Liqada beşinci pillədə 49 xalla "Liverpul" qərarlaşıb. Onu 48 xalla "Çelsi" izləyir. Sonrakı sıralarda isə hərəyə 46 xalı olan "Brentford" və "Everton" gəlir.

Qeyd edək ki, İngiltərə Çempionlar Liqasında 6 və ya 7 klubla da təmsil oluna bilər. Bu, ölkə təmsilçilərinin UEFA Çempionlar Liqası və Avropa Liqasını qazanacağı təqdirdə mümkün ola bilər.

Heybət