İdman

Peres Arbeloa ilə bağlı bu qərarı verdi, narazılıq yarandı

24 Aprel 2026 17:55

“Real”ın prezidenti Florentino Peres baş məşqçi Alvaro Arbeloanın gələcəyi ilə bağlı qərarını verib.

Publika.az xəbər verir ki, klub rəhbəri mövsümün sonunda mütəxəssisi vəzifəsindən azad etməyi planlaşdırır. Bu barədə jurnalist Xorxe Piko məlumat yayıb.

Bununla belə, direktorlar şurasının bəzi üzvləri baş məşqçinin komandada qalmalı olduğunu və özünü sübut etmək üçün şans qazanmalı olduğunu düşünür. Fikir ayrılığına baxmayaraq, Peres mövqeyində qətidir və yayda yeni baş məşqçi gətirmək istəyir.

Qeyd edək ki, Alvaro Arbeloa yanvar ayının ortalarında Xabi Alonsonu əvəz edərək “kral klubu”nun baş məşqçisi olub. Komanda İspaniya kuboku və Çempionlar Liqasında müvafiq olaraq 1/8 və 1/4 final mərhələlərində mübarizəni dayandırıb. La Liqada isə vəziyyət çətindir. Mövsümün sonuna 7 tur qalmış komanda “Barselona”dan 9 xal geri qalır və çempionluq şansları minimal qiymətləndirilir.

Heybət