Messinin “İnter Mayami”də maaşı nə qədər artıb?
Bizi izləyin
Aptekonline

İdman

Messinin “İnter Mayami”də maaşı nə qədər artıb?

Messinin “İnter Mayami”də maaşı nə qədər artıb?

MLS futbolçular həmkarlar ittifaqının (MLSPA) mətbuat xidməti liqada çıxış edən futbolçuların gəlirləri ilə bağlı məlumatları açıqlayıb.

Publika.az xəbər verir ki, MLS-in və “İnter Mayami”nin əsas ulduzu Lionel Messinin illik maaşı onun 2023-cü ildə komandaya keçdiyi dövrlə müqayisədə iki dəfə artıb.

Hazırda argentinalı dünya çempionu əsas əməkhaqqı və müxtəlif bonuslar daxil olmaqla ildə 28,3 milyon dollar (24,3 milyon avro) qazanır.

Messi liqanın ən yüksək maaş alan futbolçusu olaraq qalır. O, bu göstəricidə “Los-Anceles”də çıxış edən “Tottenhem”in keçmiş yarımmüdafiəçisi Son Hın Mini təxminən iki dəfə qabaqlayır. Cənubi koreyalı futbolçunun illik qazancı 11 milyon avrodur.

Messi 2023-cü ildə Florida klubuna keçən zaman onun baza maaşı 10,2 milyon avro idi.

Qeyd edək ki, MLSPA-nın açıqladığı rəqəmlərə kommersiya tərəfdaşlıqlarından əldə olunan gəlirlər daxil deyil.

Müəllif: Tural

Oxumağa davam et
Reklam
Reklam

Gündəm

Aptekonline