DÇ-2026: Yaponların bu hərəkəti ingilis əfsanəni təsirləndirib - FOTO

İngiltərə millisinin keçmiş oyunçusu Stiven Cerrard 2026-cı il Dünya Kubokunun qrup mərhələsinin ilk turunda Niderlandla Yaponiya arasında keçirilən oyunda (2:2) Vataru Endonun formasını Yaponiya millisinin ehtiyat oyunçular skamyasında gördüyünə sevindiyini bildirib.

Publika.az xəbər verir ki, daha əvvəl Yaponiya millisinin yarımmüdafiəçisi Vataru Endo zədə səbəbindən 2026-cı il Dünya Kubokunda iştirak etməyəcəyi açıqlandıqdan sonra beynəlxalq futboldan ayrıldığını bildirmişdi.

14 iyunda Niderlandla oyun boyunca onun forması ehtiyat oyunçular skamyasında asılı qalmışdı və final fitindən sonra Yaponiya millisinin oyunçuları onu meydana çıxardılar.

“Bu gün oyundan sonra gördüklərimdən məmnunam. Oyunun sonunda Endonun formasının açılması həqiqətən xüsusi idi, oyunçuya hörmət, onun komandanın bir hissəsi olması və yenidən oynaması arzusu idi.

Onlar təkcə heç-heçəni deyil, həm də heyətdə görmək istədikləri əsas oyunçunu qeyd etdilər. Bu kimi anlar həmişə emosional olur və deyərdim ki, bu, günümü başa vurmağın ən yaxşı yolu idi”, – deyə Cerrard “Inside Reality Football” hesabında bildirib.