“Real”dan “Siti”yə sürpriz: Görün hansı futbolçusunu təklif edir

“Mançester Siti” “Real Madrid”dən Eduardo Kamavinqanı transfer etmək üçün sürpriz təklif alıb.

Publika.az xəbər verir ki, “Real”ın yeni baş məşqçisi Joze Mourinyonun ona güvənməyəcəyi bildirilir. Bu barədə Marca məlumat yayıb.

İngiltərə nəhəngi meydanın mərkəzini gücləndirəcək futbolçu axtarmağa davam etdiyi bir vaxtda, belə təklifin əhəmiyyətini qiymətləndirir.

“Mançester Siti” transferə razılıq verərsə, “Real Madrid” Kamavinqa üçün xeyli məbləğ ala bilər. Mourinyo əldə edilən gəlirdən mərkəz müdafiəçisi və yarımmüdafiəçi transfer etməyə ümid edir.

Daha əvvəl “kral klubu”nun 23 yaşlı fransız yarımmüdafiəçinin transferi üçün 70 milyon avro tələb edəcəyi bildirilmişdi .

Xatırladaq ki, Kamavinqa 2021-ci ilin yayından bəri “Real Madrid”də oynayır. O, 223 oyun keçirib (6 qol və 11 məhsuldar ötürmə) və komanda ilə 11 titul qazanıb.

Onun müqaviləsi 2029-cu ilin iyun ayının sonuna qədərdir və “Transfermarkt” Eduardonun dəyərini 50 milyon avro olaraq qiymətləndirir.

Müəllif: Tural