Olimpiya çempionları nişanlandılar - FOTO

Olimpiya çempionları Riku Miura və Ryuti Kihara cütlükləri nişanlanıblar.

Publika.az xəbər verir ki, sosial mediada paylaşılan fotolarda Kiharanın Miuranın qarşısında diz çökərək ona üzük təklif etdiyi görünür.

“Biz nişanlıyıq. Birlikdə çoxlu anlar yaşamışıq, yaxşı və pis günlərdə bir-birimizə dəstək olmuşuq. Zaman keçdikcə bir-birimizin həyatının ayrılmaz hissəsinə – onsuz yaşamağı təsəvvür edə bilməyəcəyimiz insanlara çevrilmişik. Nəhayət ki, bu xəbəri hamınızla bölüşməkdən həqiqətən məmnunuq.

Bu yeni fəslə başlayarkən, özümüzə sadiq qalaraq bir-birimizi dəstəkləməyə və addım-addım birlikdə irəliləməyə davam edəcəyik. Ümid edirik ki, bizi səmimi şəkildə dəstəkləməyə və bizi qorumağa davam edəcəksiniz”, – deyə yapon konkisürənləri birgə bəyanatda bildiriblər.

24 yaşlı Miura və 34 yaşlı Kihara 2026-cı ildə Milan və Kortina şəhərlərində keçirilən Olimpiya Oyunlarında qızıl medal qazanıblar. Onlar həmçinin komanda yarışlarında ikiqat Olimpiya gümüş medalçısı və ikiqat dünya çempionudurlar.

2019-cu ildən bəri birlikdə yarışan konkisürənlər aprel ayında təqaüdə çıxdıqlarını elan etdilər.