İdman

Mahrezin həyat yoldaşı: Ona görə boşanmalı olub - FOTOLAR

17 İyul 2026 12:12

Riyad Mahrezi yaddan çıxarıbsınız? Əlcəzairli oyunçu artıq üç mövsümdür ki, "Əl-Əhli"də oynayır və 2025/26 mövsümündə klubla birlikdə ardıcıl ikinci il AFC Çempionlar Liqasını qazanıb.

Əlcəzairli karyerasında ikinci Dünya Kubokunda oynadı, Avstriya ilə matçda iki qol vurdu və bütün ailəsi turnirdə ona azarkeşlik etdi.

Publika.az oxucuları Riyad Mahrezin həyat yoldaşı Teylorla tanış edir.

Teylor Uord 28 yanvar 1998-ci ildə anadan olub. Qızın 28 yaşı var, Mahrezdən yeddi yaş kiçikdir.

Teylorun atası keçmiş futbolçu Eşli Uorddur. Onun Premyer Liqanın beş klubunda – “Norviç”, “Derbi”, “Barnsli”, “Blekbern” və “Bredford” kifayət qədər parlaq karyerası olub.

Teylor peşəsini peşəkar model və "Çeşirin Əsl Evdar Qadınları" realiti şousunun ulduzu olan anası sayəsində seçib. Uord həmçinin model və populyar televiziya aparıcısıdır. Onun “İnstaqram” hesabında üç milyondan çox izləyici var!

Teylorun futbolla yaxın əlaqəsi yalnız atası ilə məhdudlaşmır. 2010-cu illərdə o, "Everton"un müdafiəçisi Meyson Holqeytlə görüşmüşdü və 2019-cu ildə ingilis tabloidləri onu Serxio Aquero ilə əlaqələndirmişdilər.

2020-ci ildə Teylor Mahrez ilə tanış oldu, lakin o, evli futbolçunu qəti şəkildə rədd etdi. Nəticədə, Riyad 2014-cü ildən bəri evli olduğu Rita Cohaldan rəsmi olaraq ayrıldı.

2021-ci ildə Mahrez Teylora evlilik təklifi etdi və cütlük 3 iyul 2024-cü ildə evləndi.

Riyad və Teylorun iki övladı var. Mahrezin də ilk evliliyindən iki qızı var. Dörd uşağın hamısı tez-tez Ciddədə bir araya gəlir.

Mahrezlər ailəsi 2023-cü ildə Səudiyyə Ərəbistanına köçüblər və Teylor əvvəlcə bundan xoşlanmayıb:

"Bu, çox çətindir. Elə vaxtlar olur ki, artıq dözə bilmirəm, hər şeydən çox narazıyam. Hətta otelə zəng edib soruşdum ki, "Uşaqla gəlirəm, hovuza nə geyinəcəyimi deyin". Bilirəm ki, bu, daha mühafizəkar bir ölkədir və müəyyən bir geyim qaydası var, ona görə də yoxlamaq qərarına gəldim. Onlar isə dedilər ki, "Oh, yox, bağışlayın, bu hovuz yalnız kişilər üçündür". Bir sözlə, bu, mədəni şok idi!”

Publika.az