“Bayern” üçün həyəcan siqnalı: Olise millinin düşərgəsində nə deyib?

Fransa millisinin və “Bayern”in sağ cinah yarımmüdafiəçisi Maykl Olise “Real Madrid”ə keçmək istəyir.

Publika.az xəbər verir ki, bu barədə “L’Equipe” qəzeti məlumat yayıb.

O, “Real Madrid”də oynayan milli komanda yoldaşları ilə şəxsi söhbətlərində bu istəyini gizlətməyib. Olise fürsətdən istifadə edərək İspaniya nəhənginin hazırda Fransa yığmasında olan oyunçularından “Real Madrid”dəki vəziyyətləri ilə bağlı soruşub.

Maraqlıdır ki, 2026-cı ilin iyun ayında “Real”ın alman klubunun futbolçusunun ətrafı ilə əlaqə saxlamadığı barədə məlumatlar ortaya çıxdı.

Qeyd etmək lazımdır ki, “Real Madrid”in prezidentlik kampaniyası zamanı Florentino Peres adını çəkmədiyi ulduz oyunçu üçün 150 milyon avro (“Transfermarkt”da göstərilən qiymətlə eyni) təklif verəcəyini açıqlamışdı. Bir çox insan onun məhz Maykl Olise haqqında danışdığına inanır.

“Bayern”in prezidenti Herbert Hayner bildirib ki, alman klubu 24 yaşlı cinah oyunçusunu satmaq niyyətində deyil. Onun müqaviləsi 30 iyun 2029-cu ildə başa çatır. O, “Real”ın prezidentini buna vaxt itirməməyə çağırıb.

Olise 2024-cü ilin yayından bəri Münhen klubunda oynayır və 107 oyun keçirib (42 qol və 54 məhsuldar ötürmə).