Messinin inanılmaz statistikası

Argentina 2026-cı il Dünya Kubokunun finalına yüksəlib və çempion kimi titulunu qoruyacaq.

Publika.az xəbər verir ki, komandanın uğurunun əsas amillərindən biri də son iki Dünya Kubokunda inanılmaz nəticə göstərən Lionel Messi olaraq qalır .

39 yaşlı Messi 2022 və 2026-cı illər Dünya Kuboklarında ümumilikdə 14 oyun keçirib və onlardan yalnız birində – Qətərdə keçirilən Dünya Kubokunda Polşaya qarşı qrup mərhələsi matçında qol vura bilməyib.

2022-ci il Dünya Kubokunda Messi Səudiyyə Ərəbistanına qol vurub, Meksikaya qol vurub və məhsuldar ötürmə edib, Avstraliyaya qol vurub, Niderlanda qol vurub və məhsuldar ötürmə edib, Xorvatiyaya qol vurub və məhsuldar ötürmə edib, finalda Fransaya iki qol vurub.

2026-cı il Dünya Kubokuna Messi Əlcəzairlə oyunda het-triklə başladı, daha sonra Avstriyaya iki qol vurdu, İordaniya, Kabo-Verde ilə oyunların hər birində 1 qol vurdu, Misirlə oyunda qol vurdu və məhsuldar ötürmə etdi, İsveçrə ilə oyunda məhsuldar ötürmə etdi və İngiltərə ilə oyunda iki məhsuldar ötürmə etdi. Fantastik nəticədir.