“Sabah” doğma meydanda qələbə qazandı - YENİLƏNDİ

UEFA Çempionlar Liqasının II təsnifat mərhələsinin ilk matçında "Sabah" "KuPS"a (Finlandiya) qalib gəlib.

Publika.az xəbər verir ki, Masazırdakı "Bank Respublika Arena"da keçirilən matçda "bayquşlar" 1:0 hesablı qələbəyə seviniblər.

Qolu 45+1-ci dəqiqədə Velko Simiç vurub.

Qeyd edək ki, tərəflər arasında cavab matçı iyulun 28-də Finlandiyada keçiriləcək. Cütün qalibi növbəti raundda "Orxus" (Danimarka) - "Lex" (Polşa) duelinin güclüsü ilə üz-üzə gələcək.

xxx

20:52

UEFA Çempionlar Liqasının II təsnifat mərhələsinin "Sabah" - "KuPS" (Finlandiya) oyununda ilk qol vurulub.

Publika.az xəbər verir ki, Masazırdakı "Bank Respublika Arena"da keçirilən matçda "bayquşlar" hesabı açıblar - 1:0.

45-ci dəqiqədə Velko Simiç fərqlənib.

Bununla da Azərbaycan təmsilçisi fasiləyə öndə yollanıb.

xxx

20:12

UEFA Çempionlar Liqasının II təsnifat mərhələsinin "Sabah" - "KuPS" (Finlandiya) oyunu başlayıb.

Publika.az xəbər verir ki, qarşılaşma Masazırdakı "Bank Respublika Arena"da keçirilir.

Matçın baş hakimi polşalı FIFA referisi Lukaş Kujmadır.

Xatıradaq ki, cütün qalibi növbəti raundda "Orxus" (Danimarka) - "Lex" (Polşa) duelinin güclüsü ilə üz-üzə gələcək.