Konqresmen İnfantinodan tələb etdi: Trampla bütün əlaqələrini açıqla

Konqresmen Ceymi Raskin FİFA prezidenti Canni İnfantinodan istintaqa kömək etmək üçün şəxsən ifadə verməsini istəyib.

Publika.az xəbər verir ki, Demokrat Partiyasının nümayəndəsi İnfantinoya məktub göndərərək, ABŞ prezidenti Donald Trampla əlaqələri barədə komitə qarşısında açıq ifadə verməsini xahiş edib.

O, həmçinin ABŞ prezidenti ilə bütün hədiyyələrin və yazışmaların qeydlərini saxlamağa çağırıb.

2026-cı il Dünya Kubokundan əvvəl və mundial zamanı sıx bağlı olan FİFA prezidenti və Amerika dövlət başçısı hətta bir neçə gözlənilməz qərarla mübahisələrə səbəb oldu: Trampa FİFA Sülh Mükafatının verilməsi və Folarin Baloqunun qadağasının aradan qaldırılması bu qəbildəndir.

Raskin İnfantinoya parlament komitəsi qarşısında rəsmi dinləmə keçirilməsini xahiş edən məktub yazıb və bu dinləmənin qeydə alınacağını bildirib.

Lakin belə bir məktubun heç bir hüquqi qüvvəsi yoxdur və FIFA prezidenti tələbi yerinə yetirməkdən imtina edə və ya nümayəndələr qarşısında çıxış edə bilər.

İnfantinoya yazdığı məktubda Raskin həmçinin ondan mesajlaşma tətbiqləri və sosial media da daxil olmaqla, Tramp və onun administrasiyası ilə əlaqələri ilə bağlı bütün məlumatları təqdim etməsini xahiş edir. Bu, 9 avqust 2026-cı il tarixinə qədər edilməlidir.

Buna görə də Raskin İnfantinodan FFFA tərəfindən Donald Trampa və ya onun tərəfdaşlarına ödənilən bütün hədiyyələrin, mükafatların, və ya pul məbləğlərinin siyahısını ona təqdim etməsini xahiş edir.

Nəhayət, Ceymi Raskin həmçinin 2026 -cı il Dünya Kubokunun təşkili ilə əlaqədar Mayami və Nyu-Yorkdakı FIFA ofislərinə edilən bütün səfərlərin siyahısını almağa ümid edir.

Müəllif: Tural