Əfsanədən Vinisiusa tövsiyə: Peşman olub qayıtmaq istəsən…

“Real Madrid”in keçmiş idman direktoru Predraq Miyatoviç Vinicius Junior ilə müqavilənin yenilənməsindəki çətinliklərlə bağlı şərh verib.

Daha əvvəl “Arsenal”ın oyunçu ilə maraqlandığı bildirilirdi.

Publika.az xəbər verir ki, “Mundo Deportivo” Miyatoviçin sözlərini sitat gətirib:

“Mbappedən geri qalsan belə, “Real Madrid”də ikinci nömrə olmaq dünyanın istənilən komandasında birinci nömrə olmaqdan daha yaxşıdır. Vinisius və ya komandadan ayrılan hər kəsin başına gələ biləcək şey də elə budur: sən dəyərləndirilmədiyin üçün kədərli, qəzəbli şəkildə ayrılırsan. Bütün bu hekayələri 1500 dəfə eşitmişəm.

Və sonra, 20 gün və ya bir ay sonra, eyni oyunçu ilə Londonda, Parisdə və ya başqa bir yerdə qarşılaşırsınız və onun ilk dediyi söz: “Aman Allahım, nə qədər yanılmışam” olur. Və bütün bunlar 2-3 milyon avroya görə olur. Bu, çox puldur, amma 20 milyon avro ilə eyni həyatı yaşayırsınız. Və bir dəfə geri qayıtmaq istədikdə, əlbəttə ki, geri dönüş yoxdur”.

Vinisius 2018-ci ilin yayından bəri “Los Blancos”da oynayır. Bu müddət ərzində hücumçu bütün turnirlərdə 375 oyunda meydana çıxıb, 128 qol vurub və 100 məhsuldar ötürmə edib. Onun müqaviləsi 2027-ci ilin yayına qədərdir. “Transfermarkt”dakı məlumata görə, onun bazar dəyəri 140 milyon avrodur.

Müəllif: Tural