İnfantinonu tənqid edən direktor FİFA-dan qovuldu

FİFA Kevin Lamurun FİFA-nın baş əməliyyat direktoru vəzifəsindən istefa verdiyini açıqlayıb.

Publika.az xəbər verir ki, “Sky News” nəşrinin məlumatına görə, FİFA, prezident Canni İnfantinonun Dünya Kubokundakı payı özəl investorlara satmaq planını tənqid etdikdən sonra ən yüksək vəzifəli rəhbərlərindən birini işdən çıxarıb.

“FİFA ilə Baş Əməliyyat Direktoru vəzifəsini tutan Kevin Lamour arasındakı iş münasibətlərinin 17 avqust 2026-cı ildə başa çatdığını təsdiqləyə bilərik. FİFA Kevinə iki illik xidmətinə görə təşəkkür edir və ona gələcək həyatında uğurlar arzulayır”, – deyə açıqlamada bildirilir.

İyul ayında Lamour yazırdı ki, FİFA rəsmiləri son aylarda İnfantinonun Dünya Kuboku ilə bağlı pay müqaviləsinin hazırlanmasında şəffaf olmaması səbəbindən “yanlış yola düşüblər”.

“Bu, təkbaşına həll olunan bir layihədir. Bu layihə nəinki həyata keçirilməməli, həm də futbolun siyasi liderlərinin özlərinə düzgün suallar və düzgün qərarlar verməsi vaxtı gəlib çatmışdır”, – deyə fransız o zaman iddia etmişdi.

Lamour İnfantinonun yaxın çevrəsinin bir hissəsi idi və ona 2016-cı il seçki kampaniyasında kömək etmişdi.