İnfantinonun yanındakı “boz kardinal” - Hər şeyi edən o imiş

İtalyan vəkil Mario Qallavotti FİFA böhranının əsas pərdəarxası fiqurlarından biridir və mübahisəli layihələrdəki təsiri və rolu ciddi suallar doğurur.

Publika.az xəbər verir ki, bu barədə “Politico” məlumat yayıb.

Mənbənin məlumatına görə, FİFA prezidenti Canni İnfantinonu 20 ildən çoxdur tanıyan Qallavotti onun yaxın çevrəsindəki ən nüfuzlu şəxslərdən biri hesab olunur. O, həssas siyasi və kommersiya məsələləri ilə məşğul olur.

Qallavotti FİFA-nın Səudiyyə Ərəbistanı ilə münasibətlərinin qurulmasında, o cümlədən Dünya Kuboklarına ev sahibliyi etməsində və böyük tərəfdaşlıqların təmin edilməsində mühüm rol oynayıb. O, həmçinin Yaxın Şərqdə bir sıra futbol mübahisələrində iştirak edib.

Keçmiş FİFA işçiləri iddia edirlər ki, Qallavotti guya müstəqil komitələrin işinə təsir göstərir və İnfantinonun maraqlarını irəli aparmaq üçün federasiyanın intizam mexanizmlərindən istifadə edir. O, həmçinin Dünya Kuboku ilə bağlı layihələrə özəl investisiya cəlb etmək üçün gizli planın təfərrüatlarını sızdırmaqda da ittiham olunur.

Müəllif: Tural