Ekklstoun yenə saxlanıldı - Səbəb eynidir

Formula 1-in keçmiş sahibi Berni Ekklstoun Portuqaliyanın Kaskais şəhərindəki Tires hava limanında qanunsuz olaraq ov tüfəngi gəzdirdiyinə görə həbs edilib.

Publika.az xəbər verir ki, bu barədə “The Sun” qəzeti məlumat yayıb.

Deyilənə görə, o, şəxsi təyyarəsində silahla aerodroma uçub. Ekklstounun bu vəziyyətlə bağlı məhkəməyə verilib-verilməyəcəyi məlum deyil.

Portuqaliyanın İctimai Təhlükəsizlik Polisi (PSP) hələlik vəziyyətlə bağlı şərh verməyib.

Qeyd etmək lazımdır ki, bu, 95 yaşlı iş adamının qanunsuz silah saxlaması ilə bağlı ilk hadisə deyil. Dörd il əvvəl Ekklstoun Braziliyanın San-Paulu şəhərində saxlanılmışdı, lakin girov müqabilində azadlığa buraxılmışdı.

Əlavə etmək lazımdır ki, Berni Ekklstoun 30 il (1987-2017) “Kral yarışları”nın baş direktoru olub.

Bu müddət ərzində o, bir sıra korrupsiya qalmaqallarının mərkəzində olub. Xüsusilə, Adolf Hitler haqqında mübahisəli açıqlamalar verib və Rusiya prezidenti Vladimir Putinin tərəfdarıdır.

Müəllif: Tural