İKT

"Instagram"da yenə problem yarandı

12 Oktyabr 2021 00:45

Dünyanın bir sıra ölkələrində "Instagram" sosial şəbəkəsinin istifadəçiləri xidmətin işində nasazlıqlardan şikayət edirlər.

Publika.az xəbər verir ki, bu barədə məşhur internet-resursların fəaliyyətini izləyən “Downdetector” saytı məlumat yayıb.

Qeyd edilir ki, sosial şəbəkənin işində nasazlıq Bakı vaxtı ilə təxminən saat 23:05-də olub. Problemlər barədə əsasən ABŞ, Niderland, Almaniya, Fransa, İspaniya, Böyük Britaniya, Kanada, Rusiya və digər ölkələrdən olan istifadəçilər bildiriblər.

Məlumata görə, istifadəçilərin əksəriyyəti serverə qoşulma zamanı proqramın fəaliyyətindən, eləcə də xəbər lentinin təsvirindən və vebsaytın işindən şikayət ediblər.

Xatırladaq ki, bu, sosial şəbəkədə son günlər qeydə alınan növbəti nasazlıqdır. Oktyabrın 8-də və 9-da da instaqram istifadəçiləri sosial şəbəkədə yaranan nazaslıqlardan şikayət ediblər.