Mobil operatorların şəbəkələrində texniki nasazlıq aradan qaldırıldı - YENİLƏNDİ

Bu gün axşam saatlarında “Nar” şəbəkəsində yaranmış texniki nasazlıq aradan qaldırılıb.

Publika.az-a bu barədə “Nar” şirkətindən bildirilib.

Qeyd olunub ki, şəbəkə xidmətlərində yaranan çətinlik bütün ölkə ərazisində tamamilə aradan qaldırılıb.

xxx

Bu gün axşam saatlarında “Bakcell” operatorunun şəbəkəsində yaranmış texniki nasazlıq aradan qaldırılıb.

Bu barədə “Bakcell”dən Publika.az-a məlumat verilib.

“Artıq abunəçilərimiz rahatlıqla Bakcell xidmətlərindən istifadəyə davam edə bilərlər. Nasazlığın səbəbləri ilə bağlı məlumat veriləcək. Bu müddət ərzində göstərdikləri anlayışa görə dəyərli abunəçilərimizə təşəkkür edirik!”, - deyə şirkətdən bildirilib.

xxx

19:17

zərbaycanda "Bakcell" və "Nar" operatorlarının şəbəkələrində problem yaranıb.

Publika.az-ın elekommunikasiya xidmətləri göstərən şirkətlərdən əldə etdiyi məlumata görə, problemin aradan qaldırılması üçün işlər aparılır.

"Bakcell" şirkətindən verilən məlumata görə, texniki nasazlıqla əlaqədar xidmətlərin göstərilməsində məhdudiyyətlər yaranıb: "Texniki heyət çətinliyin tez bir zamanda aradan qaldırılması üçün işlər görür. Yaranan çətinliyə görə dəyərli abunəçilərimizdən üzr istəyir və tez bir zamanda xidmətərimizin bərpa olunacağını bildiririk. Abunəçilərimizə əvlavə məlumat veriləcək".