Ekopublika.az

Ukrayna 2016-cı ildə Rusiya qazından imtina etməyə hazırlaşır

31 Oktyabr 2014 22:51

Ukrayna 2016-cı ildə ehtiyacı olan bütün qazı Avropa Birliyindən almağa hazırlaşır.

Publika.az-ın ”RBK-Ukrayna” xəbər agentliyinə istinadən verdiyi məlumata görə, Ukraynanın baş naziri Arseniy Yasenyuk 2016-cı ilə aqədər Polşa-Ukrayna qaz kəmərini işə salınmasını tapşırıb.

“Ukrayna və Polşa arasında əlavə qaz kəmərinin inşası gündəlik əlavə 80 milyon kubmetr qaz almağa və lazım olan bütün qazı Avropa Birliyindən idxal etməyə imkan verəcək”, - deyə A.Yazenyuk antiböhran energetika qərargahının iclasında bildirib.

O, vurğuladı ki, qaz kəmərinin inşası ilə bağlı planını hazırlamaq və maliyyə məsələlərini həll etmək üçün Avropa investisiya bankı və Avropa inkişaf və yenidənqurma bankı ilə danışıqlar aparmaq lazımdır.

Ömər Dağlı