Kişi cüdoçularımız qalib oldu

Bakı-2017 IV İslam Həmrəyliyi Oyunlarında Azərbaycanın kişi idmançılardan ibarət cüdo yığması qızıl medal qazanıb.

Finalda əlcəzairli cüdoçularla qarşılaşan təmsilçilərimiz gərgin döyüşlərdə qalib gəliblər - 3:2.

Bununla da İslam Həmrəyliyi Oyunlarında Azərbaycan qızıl medallarının sayını 29-a çatdırıb.

***

Mayın 15-də IV İslam Həmrəyliyi Oyunlarının cüdo yarışlarının üçüncü günündə kişilərdən ibarət Azərbaycan yığması ardıcıl ikinci qələbəsini qazanıb.

Milli komandamız bu dəfə Türkiyə yığmasını mübarizədən kənarlaşdırıb – 4:1.

***

Mayın 15-də IV İslam Həmrəyliyi Oyunlarında cüdo yarışlarının üçüncü gününə start verilib.

Publika.az xəbər verir ki, ilk görüşdə Azərbaycanın kişi cüdoçularının komandası Qırğızıstan komandası ilə qarşılaşıb.

Gərgin keçən mübarizədə komandamız üstünlüyü tam ələ alaraq 5:0 hesabı ilə Qırğızıstan komandasına qalib gəlib.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.