“Bakı-2017”də taekvando yarışlarına start verildi - FOTO - (YENİLƏNİR)

Bu gün IV İslam Həmrəyliyi Oyunları çərçivəsində keçirilən taekvando yarışlarına daha bir idmançımız qələbə ilə başladı.

Kişilər arasında yarışa səkkizdəbir finalda başlayacaq milli komandamızın üzvü Qaşım Maqomedov (54 kq) Pakistan təmsilçisi Umar İqballa qarşılaşıb.

Görüş 26:6 hesabı ilə idmançımızın xeyrinə başa çatıb.

***

Bu gün IV İslam Həmrəyliyi Oyunlarında taekvando yarışlarına start verilib.

Azərbaycan təmsilçisi Eriş Yaprak ilk görüşünü keçirib.

İlk döyüşdə onun rəqibi Pakistan təmsilçisi Hamdani Farsin olub. İdmançımız 29:3 hesabı ilə rəqibinə qalib gələrək yarımfinala çıxıb.

***

Mayın 16-da IV İslam Həmrəyliyi Oyunlarında taekvando yarışlarına start verilib.

Yarışların ilk günündə kişilər arasında 54, 58, qadınların mübarizəsində 46, 53, 57 kiloqram çəki dərəcələrində idmançılar Bakı İdman Sarayında dayanq üzərinə çıxırlar.

Təmsilçilərimizdən üçü bu gün, beşi mayın 17-də, dördü isə mayın 18-də mübarizəyə qoşulacaq.

Bu gün “Bakı-2017”də kişilər arasında yarışa səkkizdəbir finaldan başlayacaq milli komandamızın üzvlərindən Qaşım Maqomedov (54 kq) Umar İqballa (Pakistan), Fizam Mehtiyev (58 kq) isə özbəkistanlı idmançı Niyaz Pulatov ilə üz-üzə gələcək.

Qadınların mübarizəsində dörddəbir finaldan mübarizəyə qoşulacaq idmançılarımızdan Yaprak Eriş (57 kq) Pakistan təmsilçisi Farsin Hamdani ilə qarşılaşacaq.

İslamiadada üç gün ərzində keçiriləcək taekvando yarışlarında ölkəmizi 8-i kişi və 4-ü qadın olmaqla, ümumilikdə, 12 idmançı təmsil edəcək.

Komandamız Oyunlara kişilərdən ibarət yığmanın baş məşqçisi Reza Mehmandoust, böyük məşqçisi Rəşad Əhmədov və qadınlardan ibarət millimizin baş məşqçisi Elnur Amanovun rəhbərliyi ilə hazırlaşıb.