Magazin1

Səxavət Məmmədovun doğum günüdür

23 Oktyabr 2015 10:15

Azad bir quşdum,

Yuvamdan uçdum,

Bir bağa düşdüm

Bu gənc yaşımda...

Bu məşhur musiqini təsadüfən xatırlamadım, bu payız səhərində sevilən sənətkarımız Səxavət Məmmədov dünyaya göz açıb.

Publika.az xəbər verir ki, Səxavət Məmmədov 1953-cü il oktyabrın 23-də Ağdam rayonunun Abdal-Gülablı kəndində anadan olub. Səsi "Segah"a yatımlı, ruhu "Segah"a bağlı müğənninin mahnılarının əksəriyyəti məhz "Segah"ladır: "Ay Bəri Bax", "Uca Dağlar", "Yar Bizə Qonaq Gələcək", "Ay Çiçək", "Sarı Bülbül" "Külək" və s.

Xanəndə 1991-ci il sentyabrın 30-da avtomobil qəzasına uğrayaraq dünyasını dəyişib. Həmin vaxt ölkədə müharibə getdiyindən Bakıda sifariş edilən məzar daşı ünvanına çatdırılmayıb. Odur ki, qəbri doğulduğu kənddə olan xanəndənin adı, şəkli, doğum və ölüm tarixi həkk olunmuş başdaşı Bakıdakı evinin həyətində qalıb.

Cəvahir