Rafiq Hüseynovun dəfn mərasimi TƏXİRƏ SALINDI - YENİLƏNDİ

Xalq artisti, məşhur diktor Rafiq Hüseynovun sabaha planlaşdırılan vida və dəfn mərasimi təxirə salınıb.

Bu barədə Publika.az-a Rafiq Hüseynovun həyat yoldaşı Səbinə Hüseynova məlumat verib:

“Sənədləşdirmə işlərində problem olduğu üçün cənazə sabah 09:00-da Bakıya göndəriləcək, saat 17:00-da da Bakıya çatacaq. Biz sabah hava limanında cənazəni qarşılayacağıq. Qalan dəfn və vida mərasimi eyni vaxtda olmaqla, cümə gününə keçiriləcək”

Qeyd edək ki, vida mərasimi noyabrın 3-də Rəşid Behbudov adına Dövlət Mahnı Teatrında saat 10:00-dan 12:00-dək keçiriləcək.

Rafiq Hüseynovun yas mərasimi isə Heydər Məscidində keçiriləcək.

***

Xalq artisti, məşhur diktor Rafiq Hüseynovun cənazəsi bu gün Bakı vaxtı ilə saat 19:00-da Almaniyadan paytaxtımıza yola salınacaq.

Publika.az xəbər verir ki, bu barədə onun həyat yoldaşı Səbinə Hüseynova məlumat verib.

O bildirib ki, Xalq artisti ilə vida mərasimi Rəşid Behbudov adına Dövlət Mahnı Teatrında sabah saat 10:00-dan 12:00-dək keçiriləcək. Yas mərasimi isə Heydər Məscidində baş tutacaq.

Xalq artisti II Fəxri xiyabanda dəfn olunacaq.

Qeyd edək ki, Rafiq Hüseynov uzun müddətdir xərçəngdən əziyyət çəkirdi.

Pərviz Hüseyn