İllər öncə Röya ilə alınmayan duetdən danışdı: "Saçlarımı yolmaq istədim..." - VİDEO

Müğənni İradə İbrahimova canlı efirdə illər əvvəl baş tutmayan bir musiqi layihəsi ilə bağlı maraqlı etiraf edib.

Publika.az Milli.az-a istinadən xəbər verir ki, sənətçi bildirib ki, vaxtilə Röya Ayxan onunla duet layihəsi həyata keçirmək istəyib. Lakin müxtəlif səbəblərdən həmin əməkdaşlıq reallaşmayıb.

İradə sonradan bu barədə eşidəndə çox təəssüfləndiyini etiraf edib. O, xüsusilə sonradan böyük uğur qazanan "Bəlkə də" mahnısını əldən verdiyinə görə heyifsiləndiyini deyib.

Müğənninin sözlərinə görə, həmin mahnı sonradan dinləyicilər tərəfindən çox sevilib və geniş populyarlıq qazanıb. Buna baxmayaraq, o, hər şeyin qismət olduğuna inandığını vurğulayıb.

İfaçı qeyd edib ki, insan öz məqsədlərinə çatmaq üçün çalışmalı və cəhd göstərməlidir, ancaq Allahın yazısı əsasdır:

"İllər öncə mənimlə duet əməkdaşlığı etmək istəmişdi. Birgə çalışma alınmadı. Bunu mənə deyəndə o qədər heyifsiləndim ki... Saçlarımı yolmaq istədim ki, necə olub o "Bəlkə də" adlı mahnını əlimdən vermişəm. O mahnı çox sevilən mahnı oldu. Qismət deyilən şey var. Təbii ki, cəhd etməliyik. Ancaq Allah ən doğrusunu necə yazıbsa, elə də olur".

İradə İbrahimovanın bu açıqlaması sosial şəbəkələrdə maraqla qarşılanıb və musiqisevərlər arasında müzakirələrə səbəb olub.