Məşhur futbolçuya 8,5 il həbs cəzası verildi

Valensiya məhkəməsi “Sevilya”nın hücumçusu Rafa Miri səkkiz il yarım müddətinə azadlıqdan məhrum edib.

Publika.az xəbər verir ki, bu barədə “Cadena SER” məlumat yayıb.

Cinsi təcavüzdə ittiham olunan futbolçunun məhkəməsi mayın 28-də baş tutub.

Hələlik qüvvəyə minməmiş hökmdə zərərçəkən tərəfə 64 min avro təzminat ödənilməsi də nəzərdə tutulur.

İkinci təqsirləndirilən şəxs, eyni zamanda o da futbolçudur, iki il cinsi təcavüzə görə və əxlaq əleyhinə cinayət və xırda xuliqanlığa görə altı ay olmaqla iki il yarım həbs cəzası alıb. O, həmçinin 6280 avro təzminat ödəyəcək.

2024-cü ilin sentyabr ayının əvvəlində Mir iki qadına – 21 yaşlı Andrea və 25 yaşlı Karlaya qarşı cinsi təcavüz şübhəsi ilə həbs edilib. Zərərçəkənlərdən birinin ifadəsinə görə, hadisə idmançının evində keçirilən şəxsi məclis zamanı baş verib. Qadınlar Rafa ilə gecə klubunda görüşdükdən sonra ora gediblər.

Mir 2021-ci ildə 16 milyon avroya “Vulverhempton”dan “Sevilya”ya keçib . O, 2024/25 mövsümündə “Valensiya”da icarə əsasında oynayıb. 28 yaşlı hücumçu ötən mövsümü “Elçe”də icarə əsasında keçirib və 29 matçda 8 qol vurub.