Xatirə İslamdan SƏRT SÖZLƏR: aparıcı Mətanətlə QALMAQAL - VİDEO

Xına tərtibat işi ilə məşğul olmuram, ancaq oxuyuram. Bu qiymətlər də haradan idi bilmirəm. Gülünc idi. Mətanət xanım, bunu sizə zəng də edib deyə bilərdim. Amma efirdən dediyiniz üçün mən də buradan açıqlama verirəm. Narahat olan qızlarımız da zəng edib soruşur.

Publika.az xəbər verir ki, bu sözləri müğənni Xatirə İslam İnstaqramda yazıb.

Xatirə Mətanət Əliverdiyevanın verilişində onun xına məclisi təşkil etməsi haqda dediklərinə münasibət bildirib. Müğənni qeyd edib ki, artıq xına məclisləri təşkil etmir:

"Bütün verilişlərin aparıcılarına üzümü tutub deyirəm: əzizlərim, dostlarım, mənim olmadığım yerdə adımı çəkməyin. Bunu sizdən dönə-dönə rica edirəm. Gəlin, aramızda olan hörmət uzunömürlü olsun. Məni dəvət edəndə gəlmirəmsə, kim nə istədi danışmalıdır? Bəs peşəkarlıq, illərin salamı? Mətanət xanımı çox sevirəm, yatsam yuxuma girməzdi ki, nəyisə araşdırmadan açıqlama verə. Xına tərtibatı etmirəm, buna zamanım çatmır. Ona görə lazım olanda biz də başqa yerə müraciət edirik. Hər kəsə işində uğurlar arzu edirəm, o iş zəhmət, vaxt tələb edir".

Qeyd edək ki, Mətanət Əliverdiyeva aparıcısı olduğu "6/8 axşam şousu"nda Xatirənin xına məclisi təşkil etdiyini və buna görə 1000-5000 arası qonorar istədiyini deyib.