Magazin1

Diyetoloq aparıcının xanımı haqqında detalları açdı: “İki ay əvvəl şəxsən məni...”

24 İyul 2022 11:49

Aparıcı İlkin Həsəninin həyat yoldaşı Aysel Həsəni ilə diyetoloq Ləman Süleymanovanın məhkəməsi baş tutub.

Publika.az xəbər verir ki, hakim diyetoloq Ləman Süleymanovanın günahsız olduğuna qərar verib. Bu barədə dietoloq özü instaqramda məlumat yayıb. Həkim bildirib ki, hadisə iki ay əvvəl baş verib:

“Məşhur aparıcı xanımının təhqir olunduğunu və polisə müraciət olunduğunu bildirib. Təəssüf ki, onun xanımı iki ay əvvəl fotosessiya olarkən şəxmən məni təhqir edib. Mən onun fotosessiyasına düşmək istəmədim və məni təhqir etdi. Mənə polis əsaslı olaraq protokol təyin etdi və qeyd olundu ki, burda heç bir xuliqanlıq maddəsi yoxdur. İş məhkəməyə göndərildi və məhkəmə ədalətli qərar çıxardı, günahsızlığım sübuta yetirildi və iş üzrə icraata xitam verildi”.

Qeyd edək ki, bir neçə gün əvvəl aparıcı İlkin Həsəni sosial şəbəkədə video-müraciət ünvanlayaraq ailə üzvlərinin təhqir edildiyini və həmin qadının tapılmasını istəmişdi.