Uzel Kərimovadan MESAJ: “Gəlib korlaya bilərsiniz”

“Heçəm, sıfıra bərabərəm, yoxam, xatirələrsiz... Yaşadan, var edən, incidən, güldürən, hər anıma məna qazandıran, adını belə izah edə bilmədiyim dərin, dolğun hisslərsiz var olmamış kimiyəm. Unudub hər şeyi geridə qoymaq və yenidən başqası olmağa cəhd etmək istəyəndə sevə bilmirəm onu, dəyişməyi sevə bilmirəm, yeni məni sevə bilmirəm...

Publika.az xəbər verir ki, bu sözləri tanınmış aktrisa Uzel Kərimova deyib. Keçirdiyi daxili sarsıntılarını izləyiciləri ilə bölüşən sənətçi çətin yoldan keçdiyini etiraf edib.

“Məni mən etməyən, mənə səndən geri heç nə buraxmayan, sənə aid olmayan dünyanı sevə bilmirəm. Çox sevirəm çox, sənin ağrını da çox sevirəm, qanayan qəlbimi də, çox sevirəm çox.. ən gözəl yaram səni çox sevirəm...”, - Uzel qeyd edib.

Aktrisa hekayə bölümündə paylaşdığı videoda da son günlər özünü yaxşı hiss etmədiyini bildirib:

“Bəzi insanlara demək istəyirəm ki, neçə gündür əhvalımı yaxşılaşdırmağa çalışırdım, artıq əhvalım yaxşıdır, gəlib korlaya bilərsiniz”.