Məşhur müğənnidən etiraf - Ana ola bilməyəcək

Müğənni və aktrisa Selena Qomes ilk dəfə "Rolling Stone" jurnalının üz qabığı üçün kamera qarşısına keçib.

Publika.az xəbər verir ki, ulduz, eyni zamanda jurnala verdiyi müsahibəsində şəxsi həyatı barədə suallardan yayınmayıb. Müğənni və aktrisa etiraf edib ki, bipolyar pozğunluğuna nəzarət etmək üçün qəbul etdiyi dərmanlar onun ana olmaq şansını aşağı salır.

"Bununla belə, əminəm ki, necə olursa-olsun, övlad sahibi olmalıyam", - Selena qeyd edib.

Qomes 2018-ci ildə keçirdiyi psixozdan və bipolyar pozğunluqdan da söz açıb. Məşhur, o zaman səslər eşitdiyini və o dövrlə bağlı yalnız fraqmentləri xatırladığını bildirib. O, bir neçə ay tibb müəssisəsində paranoyak vəziyyətdə olub. Dostlarının sözlərinə görə, sənətçi bu müddət ərzində tanınmaz hala düşüb.

"Bipolyar pozğunluğum olduğunu qəbul etmək və onunla mübarizə aparmağı öyrənmək çox baha başa gəldi, çünki bilirsən ki, heç vaxt keçməyəcək", - Selena müsahibəsində etiraf edib.

30 yaşlı ulduz şəxsi həyatında uğursuzluqları da dilə gətirib.

"Düşünürdüm ki, 25 yaşında ailə quracam. Bu yaşda evliliyə hazır olmamağım məni məhv etdi. Çox axmaq vəziyyət idi, həqiqətən də düşünürdüm ki, dünyam darmadağın olub", - Selena bildirib.