Aktyor rejissorları "yıxıb-sürüdü"

“Beş-on manat verib, yüz manatlıq iş gördürmək istəyirlər”.

Publika.az xəbər verir ki, bu sözləri “Alp Ərən” - Türk Mədəniyyət mərkəzi”nin rəhbəri, kaskadyor, aktyor Sain Fərhad jurnalistlərə deyib. O, həmçinin rejissorlardan şikayət də edib. Bildirib ki, rejissorlar tərəfindən təyin olunan məbləğ onları qane etmir. Az məbləğlə çox iş gördürmək istədiklərini vurğulayıb.

Qeyd edib ki, xaricdən gələn təkliflərdə bu problemlə heç vaxt qarşılaşmırlar: “Beş-on manat verib, yüz manatlıq iş gördürmək istəyirlər. Təəsüflər olsun ki, rejissorlar bunu anlamaq istəmir, hər bir tryukun öz qiyməti var. Onlar bu truyukların hamısına bir məbləğ verib işlərini həll etmək istəyirlər. Lakin bunu da anlamaq lazımdır ki, hər bir tryuk zamanı canımızı təhlükəyə atırıq. Və elə bir məbləğ təklif edilməlidir ki, o bizi qane etsin. Xaricdən təkliflər gələndə onlar heç də məbləği düşünmürlər, işin daha keyfiyyətli olmasına çalışırlar. Ona görə biz də həmin təklifləri qəbul etməli oluruq. Ümid edirəm ki, bir gün bizdə də daha çox keyfiyyətə önəm verirlər və daha keyfiyyətli işlər üçün çalışarıq”.

Samira Sərkər