"Əqrəb mövsümü"nün rejissoru müjdəni verdi: "Martın 2-də..."

Azərbaycanda böyük marağa səbəb olan "Əqrəb mövsümü"nün rejissoru Emil Quliyev yeni filmi ilə böyük ekranlara çıxmağa hazırlaşır.

Publika.az xəbər verir ki, rejissorun yenə baş rolda Hikmət Rəhimovu çəkdiyi "Pərdə arxası/ Mən burda tək olmuşam" adlı ekran işinin martın ikisində təqdimat mərasimi keçiriləcək.

Bu barədə Emil Quliyev özü məlumat yayıb.

"Dostlar, "Pərdəarxası / Mən burada tək olmuşam" filmi Mart ayının 2-si ölkənin bütün kinotetrlarında nümayişə çıxacaq. Posterimizi sizə təqdim edirik. Kinoteatrlarda görüşənədək", - rejissor bildirib.

Emil Quliyevin sözlərinə görə, “Pərdə” trilogiyasının bəlli uğurundan sonra, hər üç filmin aktyor heyyətindən ibarət yeni filmin çəkilişlərinə başlayır.

Məlumat üçün bildirək ki, filmin çəkilişləri pandemiyanın ilk aylarına təsadüf etdiyi üçün gec hazır olub.

“Mən burda tək olmuşam” adlanacaq yeni layihə, dram və psixoloji triller janrındadır. Filmin ssenari müəllifləri Nicat Muxtarov, Nurlan Həsənli və Emil Quliyevdir. Baş rolları Hikmət Rəhimov və Azər Aydəmir canlandıracaq. Həmçinin rollarda, Fəridə Şahbazlı, Nəsibə Eldarova, Zemfira Əbdülsəmədova və başqa seçilən aktyorları görə biləcəksiniz.