Magazin1

Leyla vidalaşdı: "Dincəlməyə ehtiyacım var"

10 Avqust 2023 21:09

Tanınmış aparıcı Leyla Quliyeva tamaşaçılarla bir müddətlik vidalaşıb.

Publika.az xəbər verir ki, teleaparıcı bu barədə instaqramda məlumat paylaşıb. Tətilə çıxdığını bildirən məşhur dincəlməyə ehtiyacı olduğunu qeyd edib.

"Bir neçə şəkil seçdim. Hamısını olmasa da, işlədiyim, bir hissəsi olduğum layihələri yadıma saldım. İlboyu çoxunu heç paylaşmağa vaxtım da olmayıb. Sadəcə istəyirəm biləsiniz ki, yazdığınız xoş sözlər də, tənqid də mənə güc verib. Hər ikisi motivasiyadır. Daha yaxşı, daha diqqətli olmağa kömək edib. Hamınıza minnətdaram! İndi isə bir müddət inzivaya çəkilib dincəlməyə ehtiyacım var. Fikirlərimi və hisslərimi səliqəyə salıb qayıdacağam. Sağlıq olsun! Payızda görüşərik!", - Leyla Quliyeva paylaşımında yazıb.