"Sinəmdəki silikonu çıxartdıracağam"

"Şəhərdə oturanda elə gözəl qızlar görürəm ki... Düşünürəm ki, niyə onlar müsabiqələrə qatılmır? Bəlkə müsabiqələr qeyri-peşəkardır deyə, istəmirlər. Model kimi bizdə tanınan yoxdur. Mənə təklif gəldi, mərhum Erkan Özərman mənə 10 illik ixtiyar verdi. Amma etmədim. Çünki mənim gəlib bunu etməyə vaxtım yoxdur. Amma kimsə bu işə ciddi yanaşarsa, mənəvi yanınızda olaram".

Publika.az xəbər verir ki, bu sözləri model Günay Musayeva "Afaqla 10lar" verilişində deyib. Model Azərbaycanda bu biznesin inkişaf etmədiyini deyib. O bildirib ki, qızların model biznesinə yanaşması soyuqdur.

Günay Azərbaycandakı yeni evindən söz açıb. O, bildirib ki, buna görə artıq Bakıya tez-tez gələcək.

Plastik əməliyyatlardan danışan Günay "İllərdir mən plastik əməliyyatlardan uzaq dururam. Bircə dəfə sinəmə silikon qoydurmuşdum. Dolğu heç vaxt etdirməmişəm. Sinəmdə estetik var idi, amma ilin sonunda onu da çıxaracağam. Bundan sonra estetiklə tamam vidalaşacağam. Qırışlarımla yaşamağa hazıram. Özünlə barışmalısan. Qırışların hamısının öz hekayəsi var" deyə, əlavə edib. (axşam.az)