Magazin1

Həbsdən çıxan Rəqsanədən ilk açıqlama - VİDEO

25 Noyabr 2025 23:24

Xəbər verdiyimiz kimi, dələduzluq ittihamı ilə həbs edilən müğənni Rəqsanə İsmayılova ev dustaqlığına buraxılıb.

Publika.az xəbər verir ki, ifaçı sosial şəbəkədə video paylaşaraq azadlığa çıxdıqdan sonra onun adından yayılan qarayaxma xarakterli fikirlərlə əlaqəsinin olmadığını bildirib:

“Allaha şükürlər olsun ki, mən azadlıqdayam, bir çox məqamlar var ki, onlara aydınlıq gətirmək istəyirəm. Azadlığa çıxdıqdan sonra sosial şəbəkələrdə gördüm ki, işimlə bağlı polisə və xüsusən də daxili işlər naziri Vilayət Eyvazova qarşı həqiqətə uyğun olmayan qarayaxma xarakterli fikirlər yayılıb. Bununla bağlı açıqlama vermək istəyirəm. Bu fikirlərin heç biri mənimlə qaynaqlanmır. Onları yalan məlumatları yaydığına görə qınayıram. Polisimizin yanındayam, cənab nazirimiz Vilayət Eyvazovun uğurlu fəaliyyətini bir vətəndaş olaraq dəstəkləyirəm. Mən onun ədalətinə güvənirəm”.