Magazin2

Adel yaraşıqlı aktyorla filmə çəkiləcək – FOTOLAR

13 Noyabr 2015 20:56

Məşhur müğənni Adel filmə çəkiləcək. Publika.az xəbər verir ki, müğənninin tərəf-müqabili “Game of Thrones” (“Taxt oyunları”) serialında canlandırdığı Con Snou obrazı ilə məşhurlaşan Kit Herinqton olacaq.

Rejissorluğunu Ksavye Dolanın edəcəyi filmin çəkilişləri 2016-cı ildə başlayacaq.

27 yaşlı müğənni film təklifi ilə bağlı bunları deyib:

“Bu təklif daha öncə verilsəydi, müsbət cavab verməzdim. Ancaq Ksavye ilə əməkdaşlıqdan sonra fikrim dəyişdi. Onun filmində rol almağa can atıram”.

Qeyd edək ki, sözügedən əməkdaşlıq Adelin bu yaxınlarda təqdim etdiyi “Hello” mahnısının klipidir. İzlənmə rekordu qıran həmin klipi də Ksavye Dolan çəkib.

Məlumat üçün bildirək ki, Ksavye Dolan kino aləminin gənc dahisi hesab edilir. O, 2009-cu ildə hələ 20 yaşında ikən ərsəyə gətirdiyi “J'ai tue ma mere” (“Anamı öldürdüm”) filmi ilə tənqidçilərin rəğbətini qazanıb.

Ləman Sultan