47 yaşlı model Naomi Kempbell 61 yaşlı misirli milyonçu Lui Kamileri ilə görüşməyə başlayıb.
Publika.az xarici mətbuata istinadən xəbər verir ki, cütlük münasibətlərini gizlədir və bir neçə həftədir ki, hər kəsdən gizli-gizli görüşür.
Lui Kamileri “Philip Morris International” şirkətinin sabiq sədridir, onun sərvəti 150 milyon funt sterlinqdən çoxdur. İş adamı üç uşaq atasıdır. Mənbələr deyirlər ki, onu və supermodeli "Formula - 1" yarışlarına olan maraqları birləşdirib. Onlar yarışların birində tanış olub. İndi isə modellə misirli milyonçu Londonda tez-tez bahalı restoranlarda şam edirlər.
Qeyd edək ki, Naomi Kempbell keçmişdə yaşadığı çox gurultulu romanlarıyla məşhurdur. Model beş il rusiyalı milyarder Vladislav Doroninlə görüşüb. 2014-ci ildə onun adı Maykl Faccbenderlə hallanıb. 1999-ci ildən 2002-ci ilədək Naomi italyan iş adamı Flavio Briatorenin sevgilisi olub.
Aytən
.jpg)
