Məşhur reper gürcü gözələ aşiq olduğunu bütün ölkəyə elan etdi - VİDEO

“A studio” qrupunun solisti, Rusiyanın gürcü əsilli populyar müğənnisi Keti Topurya ilə münasibətlərini gizli saxlayan reper Quf sosial şəbəkədə sevgisini etiraf edib.

Publika.az Rusiya mətbuatına istinadən xəbər verir ki, Quf avtomobillə gedərkən K.Topuriyaya “Səni çox sevirəm” deyib. Bu görüntüləri müğənni videoya çəkib və instaqramda paylaşıb.

Yeri gəlmişkən, bu, reperin ictimaiyyət qarşısında hisslərinin ilk etirafıdır. Cütlüyə yaxın mənbələr iddia edir ki, onların münaisbətləri ciddidir.

Qeyd etmək lazımdır ki, Quf məşhur bloger Lera Fakdan gürcü gözəlindən ötrü ayrılıb. Reperin sözlərinə görə, İsraildə bir ildən çox müalicə aldıqdan sonra narkotik maddələrdən daha istifadə etmir.

Məlum olub ki, əslində Qufu qorxunc depressiyadan Keti Topurya çıxardıb və ən çətin günlərində həmişə yanında olub. Musiqiçi Qufun evinə gəlib, onu söhbətlərlə əyləndirib və yemək gətirib. Çox güman ki, bu dostluq sonradan məhəbbətə çevrilib.

İddialara görə, Keti məşhur milyarder Lev Qeyxmanla evli olarkən ərinə Qufla xəyanət edib. Onun boşanmasının səbəbi də reperlə romantik münasibətləri olub.

Qeyd edək ki, Ketinin milyarderdən bir qızı, Qufun isə keçmiş həyat yoldaşı Ayza Anoxonoydan bir oğlu var.