Magazin2

Dünyaya meydan oxuyan türkün doğulduğu uçuq-sökük daxması - FOTO

19 Oktyabr 2018 12:45

Dünyaya meydan oxuyan türkiyəli qəssab Nüsrət Gökçe doğulduğu evlə gündəm yaradıb.

Publika.az Türkiyə mətbuatına istinadən xəbər verir ki, duzu ətin üzərinə qeyri-adi hərəkətlə səpməsi nəticəsində məşhurlaşan qəssab Ərzuruma gedərək doğulduğu uçuq-sökük daxmanın fotolarını sosial şəbəkədə paylaşıb və bu sözləri qeyd edib: "Mənim motivasiyam. Bura mənim doğulduğum evdir".

Beş uşaqlı yoxsul ailədə göz açan Nüsrət yaşadığı çətinliklərdən danışıb:

“13 yaşımda ibtidai sinfi bitirdikdən sonra maddi imkansızlıqlardan dolayı məktəbi atıb qəssab köməkçisi kimi işə başladım. Hər gün 18-20 saat işləyib atamdan 1 TL –də istəməmişəm, istəsəm də yox idi. 2009-2010-cu illərdə 12 masası 10 işçim var idi. 2017-ci ildə 12 restoran 1000 işçim oldu. Və qarşınızda bir dünya markası. Hamımızın markası hamımızın uğurudur".