"Sen anlat Karadeniz"in Nefesi serialdan ayrılır? - Osman Sınavdan AÇIQLAMA

Prodüser Osman Sınav “O Səs Türkiyə” müsabiqəsinin Yeni İl çəkilişinə qatılan, amma ifası verilişdə göstərilməyən aktrisa İrəm Helvacıoğlu haqqında açıqlama verib.

Publika.az xəbər verir ki, prodüser aktrisanın onunla məsləhətləşmədən “O Səs Türkiyə”yə qatıldığını deyib:

“Sosial mediada verdiyi açıqlamada prodüserdən üçüncü şəxs kimi bəhs edən Helvacıoğlu “O Səs Türkiyə”yə bizimlə məsləhətləşmədən müraciət etdi. Meneceri çəkiliş heyətinə zəng vurub serialın mahnılarından birini səsləndirmək üçün icazə istədi. Mahnıdan əvvəl kanaldan soruşmaq lazımdır ki, icazə verirlər, ya yox. Kanalın icazə vermədiyi bildirilsə də, o, çəkilişlərə qatılıb, mahnı oxudu. Odur ki, aramızdakı müqavilə əsasında özünə və TV8-ə məktub göndərdik”.

Aktrisa isə “O Səs Türkiyə”nin Yeni il çəkilişlərindəki həmin kadrların efirdə yayımlanmamasının səbəbini instaqram hesabında belə izah edib:

""O Səs Türkiyə"nin Yeni il gecəsinin özəl bölümünün çəkilişlərində iştirak etdim. İlk dəfə səhnəyə çıxaraq mahnı oxudum, əyləndim və zövq aldım. Sizin də bəyənəcəyinizi düşündüm. Amma yarışmada mənə aid olan səhnələrin çıxarılması barədə təşkilatçılardan xahiş etdim. Çünki “Sen Anlat Karadeniz”i ərsəyə gətirən şirkət canlandırdığım Nəfəs obrazının imicinin qorunması üçün belə addım atmağımı istədi”.