Magazin2

Kianu Rivz illər sonra jurnal üçün kamera qarşısına keçdi - FOTO

17 Aprel 2019 18:12

54 yaşlı Kiano Rivz öz ulduz statusuna baxmayaraq dəbdəbəli həyatı ilə maqazin səhifələrini bəzəməyə çalışmır.

Publika.az xəbər verir ki, mətbuata nadir hallarda danışan məşhur aktyor sadə insanlarla ünsiyyəti zəhlətökən paparatsilərdən üstün tutur. Odur ki, artistin GQ jurnalı üçün etdiyi fotosessiya sosial şəbəkə istifadəçiləri arasında gurultu doğurub. Amma öz kədərinə sadiq qalaraq aktyor ağ-qara fotolarda gücünü, eyni zamanda tənhalığını təsvir etməyə çalışıb.

Kianu Rivz verdiyi müsahibədə peşə yolunda qarşılaşdığı çətinliklərdən danışıb. O bildirib ki, “Sürət” filminin ardına çəkilmədiyi üçün uzun müddət “Fox” kino şirkətinin qara siyahısına daxil edilib.

Bu yaxınlarda "John Wick" filmi ilə tamaşaçıların görüşünə gəlməyə hazırlaşan Kinau onu da əlavə edib ki, ömrünün 60 illiyində hansısa filmdə əsas qəhrəmanı ifa edə biləcəyini ağlına gətirməyib:

“Karyeramın inkişafı və irəliyə doğru hərəkət etmək barədə heç vaxt düşünməmişəm, amma bu yaxınlarda hər şey dəyişdi”.

Aktyor etiraf edib ki, nə qədər paradoksal səslənsə də, gələcək haqqında düşünməyə onu ölüm barədə düşüncələr vadar edib.

Məlumat üçün bildirək ki, Rizv qazandığı pulların böyük hissəsini xeyriyyə fondlarına yatıran yeganə kino ulduzudur. K,Rivzin xeyriyyə fondu xərçəng xəstələrinə kömək edir. Bundan əlavə, aktyor da heyvan hüquqlarının fəal müdafiəçisidir.