Magazin2

Rza Zarrabla bağlı YENİ FAKTLAR: adını dəyişdi, yeni işi və sevgilisi ilə... - FOTOLAR

23 Oktyabr 2021 11:03

Cənubi azərbaycanlı iş adamı Rza Zərrabın həyatı haqqında yeni faktlar ortaya çıxıb.

Publika.az Türkiyə mətbuatına istinadən xəbər verir ki, adını dəyişərək Aaron Qoldsmiz olan Rza Zərrabın Florida ştatında "Next Level Performance Center" adlı şirkət açdığı məlum olub.

Bu ilin iyununda qurulan şirkət atları yarışlara hazırlayır. Zərrab 20 ildir bu sektorda olduğunu bildirib. “Əvvəl yarışa pul qoyurdum. İndi isə at hazırlamağa başladıq. Allaha şükür, çox yaxşı komandam var”, - reklam mətnində qeyd olunub.

Fotolarda olan xanımlardan birinin isə iş adamının sevgilisi olduğu iddia olunur.

Qeyd edək ki, iş adamı 2011-ci ildə türkiyəli müğənni Ebru Gündeşlə evlənib. Onların bu nikahdan bir qızı var. Cütlük bu ilin mayında boşanıb. Rzanın Gündeşə Hadisə ilə xəyanət etdiyi iddia olunub.

Rza Zərrab 2016-cı ildə Mayami şəhərində bank fırıldaqçılığı və ABŞ-ın İrana qoyduğu embarqonu pozması ittihamı ilə həbs edilib, daha sonra ev dustaqlığına buraxılıb.