Şakira oğlanları ilə ilk dəfə Mayamidə göründü

Müğənni Şakira son həftələrin ən çox müzakirə olunan simalarından biri olub. Hər şey ulduzla futbolçu əri Jerar Pike arasında səs-küylü xəyanət xəbərlərindən başladı. Məlum oldu ki, Şakira ərinin xəyanətindən xəbər tutandan sonra ayrılmaq qərarına gəlib.

Publika.az xarici mediaya istinadən xəbər verir ki, bu yaxınlarda İspaniya prokurorlarının yaydığı məlumata görə, vergidən yayınan ulduzu 8 il həbs cəzası gözləyir və ondan 23 milyon avro tələb edir. Qeyd edək ki, 2018-ci ildə İspaniya prokurorluğu Şakiranı 2012-ci ildən 2014-cü ilədək əldə etdiyi gəlirdən 14,5 milyon avro vergidən yayınmaqda ittiham etmişdi. Məşhurun ​​özü isə iddia edir ki, onun ödənilməmiş vergi borcu yoxdur.

Bütün bu qalmaqallardan sonra bu gün sosial şəbəkələrdə Şakiranın və uşaqlarının ictimaiyyət qarşısında ilk fotosu yayılıb. Onlar Mayami hava limanında görünüblər. Qum rəngli sarafan geyinən Şakira fotoqraflara gülümsəməklə pərəstişkarlarına hər şeyin yaxşı olduğu mesajını ötürüb.

Qeyd edək ki, Şakira hazırda oğulları Saşa və Milanın qəyyumluğunu almağa çalışır. Futbolçu isə uşaqların Mayamiyə getməsinə razı deyil, o da oğullarının bərabər qəyyumluğunu iddiasını irəli sürüb və onlarla Barselonada yaşamağa çalışır.