Magazin2

Hadisənin evliliyində GƏRGİNLİK: “İşığını söndürmək üçün hər şeyi edirlər”

7 Sentyabr 2022 18:45

Bir neçə gün əvvəl verdiyi konsertdə “Küçük bir yol” mahnısını ifa edərkən qəfil ağlamağa başlayan müğənni Hadisənin evliliyində gərginlik olduğu iddia edilib.

Publika.az Türkiyə mediasına istinadən xəbər verir ki, ulduzun ifası zamanı həm ağlaması, həm də cütlüyün nişan üzüklərini taxmaması şübhə doğurub. Bildirilib ki, Hadisə son konsertlərində həyat yoldaşı Mehmet Dinçerlerin hədiyyə etdiyi 3 milyon TL-lik üzüyü taxmayıb. Eyni zamanda iş adamı dünən yeni restoranının açılışında üzüksüz görüntülənib.

Həmçinin Hadisənin bu yaxınlarda sosial media hesabından ingilis dilində paylaşımı da diqqət çəkib. Paylaşımında müğənni ruhən yorulduğuna işarə edib: "Ruhun çıraqdır. Onlar sənin işığını söndürmək üçün hər şeyi edirlər, sonra da soruşurlar ki, niyə parıldamırsan".

Ulduz cütlük yayılan xəbərlərlə bağlı hələlik heç bir məlumat verməyib.