Rusiyalı model beynəlxalq gözəllik müsabiqəsinin finalına yüksəldi - VİDEO

"Miss Rusiya - 2022" titulunun sahibi Anna Linnikova "Kainat gözəli" beynəlxalq gözəllik müsabiqəsinin yarımfinalına yüksəlib.

Publika.az xəbər verir ki, bu barədə “İzvestiya” qəzeti yazıb.

“Linnikova Dövlət Ermitaj Muzeyi ilə birgə yaradılmış ipək məxmərdən hazırlanmış, mirvari və yarımqiymətli daşlarla bəzədilmiş “Rusiya imperiyasının tacı” və milli geyimi təqdim edib”, - müsabiqənin mətbuat xidmətindən bildirilib.

TASS-da keçirilən mətbuat konfransında rusiyalı model qarşıdakı müsabiqədə çıxış edəcəyi imicini nümayiş etdirib. Model 50 min yarımqiymətli daşdan və şirin su mirvarisindən hazırlanmış ağ mini paltar seçib. Obrazı tünd qırmızı məxmər arxalıq və hündürdaban bosonojkalarla tamamlayıb.

Qeyd edək ki, orenburqlu Anna Linnikova iyulun 25-də Moskvada finalı keçirilən "Miss Rusiya 2022" müsabiqəsinin qalibi olub. Bu il baxış onlayn keçirilib. İyul ayında “Miss Russia 2022” titulunu alan Anna Linnikovanın “Miss Universe” müsabiqəsində iştirakdan uzaqlaşdırılması tələbi irəli sürülüb.