Sevgilisini zəlzələdə itirən Survivor iştirakçısının sözləri ürək dağladı - FOTO

İki mövsüm "Survivor" iştirakçısı olan türkiyəli gimnast Aşkım Burçe Tunayın sevgilisi Yiğirtcan Datlı Kahramanmaraşda baş verən dəhşətli zəlzələdə həyatını itirib.

Publika.az Türkiyə mediasına istinadən xəbər verir ki, sevgilisi ilə fotolarını instaqramda paylaşan idmançının sözləri izləyicilərini kövrəldib.

Günlərdir sevgilisindən xəbər gözləyən Aşkım Burçe Tunay aldığı ölüm xəbərindən darmadağın olduğu deyib. 23 yaşlı Aşkım sevgilisinin məzarının fotosunu paylaşaraq bu sözləri yazıb:

"Ağlamamı istəməzdin, məni bağışla. Çox ağlayıram. Allah deyir ki, kimi məndən çox sevsən, onu səndən alaram. Və əlavə edir, "Onsuz yaşaya bilmərəm" demə, səni onsuz da yaşadaram. Biz yarımçıq deyil, söz verirəm, qiyamətə qaldıq. Əvvəlcə sənin üzünü görməyə cəsarət etmədim. Əslində bununla özümü aldadırdım. Üzünü görsəm, artıq inanmağa məcbur qalacaqdım ki, yaşamırsan... Amma son dəfə sənə baxmalı və sənə sonuncu dəfə deməli idim ki, səni sevirəm. Bilirəm hardansa məni izləyirsən. Ürəyim sənin evindir, söz verirəm, çalışacağam ki, o evə yaxşı baxım. Başqa bir yer varsa, orda görüşərik bəlkə. Yoxdursa da, səni tanımaq onsuz mənim cənnətim idi".