Monika məşhur jurnalda çəkildi - FOTO

58 yaşlı aktrisa Monika Belluççi Yunanıstanın "Vogue" jurnalı üçün çəkilən yeni fotosessiyası ilə gündəm yaradıb.

Publika.az xəbər verir ki, jurnala müsahibə verən kino ulduzu həm analıq haqqında danışıb, həm qadınların cəmiyyətdə və kinoda yeri ilə bağlı fikirlərini səsləndirib, həm də Yunanıstana sevgisini etiraf edib.

"Hər şeyin öz vaxtı var. Roma dediyimiz kimi bir gündə tikilməyib. Biz inkişafdayıq, qadınlar və kişilər arasında məhsuldar, effektiv dialoq üçün müharibə deyil, ümumi ünsiyyət yeri tapmaq maraqlıdır”, - o, qeyd edib.

Fotoqraf qarşısına keçən Hollivud divası şəffaf, qara və elastik krujeva corablarda cəlbedici pozalar verib. Kadrların birində hündürdaban ayaqqabı və yarıaçıq palto geyinən Monikanın ağ-qara fotolarını isə fotoqraf Ellen fon Unvert çəkib. Digər fotolar da təxminən eyni xətt üzrə gedir.

"Düzünü desəm, qaranlıq tərəfim olduğunu düşünmürəm. Bir aktyor kimi, hər hansı bir obrazı təcəssüm etdirəndə sizə deyərdim ki, məndə mənfi qəhrəmanların işıqlı, parlaq görünənlərin isə daha çox qaranlıq tərəflərini vurğulamaq istəyi oyanır”, - planetin ən arzuolunan qadını ağ-qara fotoşəkillərini şərh edərkən deyib.