Aktyor tələm-tələsik evlənməyinin səbəbini açıqladı - FOTO

Başqa bir dostumuzun toyuna getmişdik və yanımızda kostyumumuz olduğu üçün belə bir şey etmək qərarına gəldik. Dostumuzun toyuna gedərkən çılğınlıq etmək istədik. Bu, hər kəs üçün sürpriz oldu. Heç planlı deyildi, hətta Burcu şlyapasını gül mağazasından tapmışdı.

Publika.az Türkiyə mediasına istinadən xəbər verir ki, bu sözləri bu yaxınlarda sevgilisi Burcu Denizerlə xaricdə nikah masasına əyləşən Kaan Urgancıoğlu deyib. İlk dəfə evliliyi haqqında danışan aktyor qeyd edib ki, nikahları Yunanıstandakı Türkiyə səfirliyində bağlanıb:

"Tək sizin üçün deyil, ailəm üçün də sürpriz bir toy oldu. Belə bir şey etsək, inciyərsinizmi deyə soruşdum. Razılıq alandan sonra belə çılğınlıq etdik. Mən də, Burcu da sadə bir toy etməyi düşünürdük. Ailəmizlə, dostlarımızla gözəl bir şənlik keçirməyi planlaşdırırıq, amma hələ dəqiqləşməyib. Detallara varmaq istəmirəm, amma öncədən evlilik təklifi etmişdim. Amma nikahımız çox spontan oldu. Toy edənləri təbrik edirik, amma deyə bilərəm ki, toy heç bizim üçün deyil, biz daha çox sadəliyin tərəfdarıyıq. O vaxtdan çox qısa müddət keçib. Şirin bir həyəcanı var. Biz əvvəl bal ayı etdik, sonra evləndik, yeni mövsüm çəkilişləri də başlayacaq, odur ki, yenidən fürsət tapa biləcəyimizi düşünmürəm", - Kaan yekunda bildirib.