Adamları vahiməyə salan lövhə: Hara gedirsən, ora dönür

Türkiyənin Gümüşhanenin bölgəsinin Kale kəndində qara rezin ayaqqabı istehsalı emalatxanası üçün hazırlanmış lövhə hər kəsi heyrətə gətirir. 68 illik tarixə malik olan işarəni görənlər "Biz döndükcə dönür... Uşaqlıqda hamımızı valeh edirdi" deyə təəccüblərini bildirirlər.

Publika.az xəbər verir ki, emalatxananın lövhəsini düz 68 il əvvəl Əli Saraç adlı rəssam hazırlayıb. 3D lövhədəki ayaqqabılar və əlində ayaqqabı tutan qadın fiqurunun işarənin istiqamətinə uyğun hərəkət etməsi hər kəsi təəccübləndirib.

Son vaxtlar sosial şəbəkələrdə edilən paylaşımlar lövhənin şöhrətini daha da artırıb. Bölgə sakinlərindən Bahattin Ülker illər keçsə də, hər dəfə işarəyə baxanda təəccübünü gizlədə bilmədiyini bildirib.

"Biz dönəndə şin qadın da bizimlə fırlanır. Bunu edən rəssama afərin, o, həqiqətən də gerçək bir rəssamdır. İlk illərdə anlaya bilmirdik, amma illər sonra onun bizimlə fırlandığını anladıq. Hər keçəndə baxırıq”, - deyə o deyib."

Uşaqlıq illərində sözügedən lövhəni gördüklərinin onlara sehr kimi gəldiyini ifadə edən Refik Alemdar heyrətini belə izah edib: "Bu lövhə sehrlidir, sağa dönür, sola dönür, hara gedirsənsə, sənə üz tutur, ona görə də insanları valeh edirdi. Şəxsən məni valeh etdi".

"O vaxt bunu görmək bizə sehrli görünürdü, adi bir rəsm əsəri kimi deyil. Yəni o günlərdən bu günə kimi gəlib-gedəni, baxanı çox olur. Hətta aparmağa cəhd edənlər də oldu, biz buna imkan vermədik".

Nəzrin