Payız sellə yox, şərabla gəlir - Şəhərin küçələrini çaxır basdı/ VİDEO

Portuqaliyanın Anadiya şəhəri fabrikdə baş verən qəza nəticəsində şərabla dolub.

Publika.az xəbər verir ki, Portuqaliyanın Anadiya şəhəri Destilaria Levira fabrikində baş verən qəza nəticəsində şərabla dolub. Yerli "JN " nəşri qeyd edir ki, fövqəladə hadisə sentyabrın 10-da səhər saatlarında baş verib. Müəssisədə “ilahi nektar” olan iki çən partlayıb və bu, onlarla litr mayenin dağılmasına səbəb olub. Şəhərin bir neçə küçəsini şərab basıb.

Məlumata görə, yerli hakimiyyət litrlərlə şərabın Sertima çayına axacağından və sonra vəziyyətin ekoloji fəlakət kimi qiymətləndirilə biləcəyindən ehtiyatlanır. Amma çox güman ki, apokaliptik ssenari yaşanmayacaq. Çünki artıq küçələr təmizlənib və şəhərin zədələnmiş obyektləri artıq təmizlənib.

Anadiya küçələrinin təmizlənməsi üçün vəsaiti müəssisəsində qəza baş verən şirkət ayırıb. Hələlik şəhərə və zavoda dəymiş iqtisadi ziyan hesablanmasa da, şirkətin qəzaya görə ciddi xərc çəkməsi rəsmiləri narahat edir.

Mehti Kamiloğlu