34 il əvvəl yoxa çıxan asteroid göründü: Yerə yaxınlaşır
Bizi izləyin
Aptekonline

Maraq dünyası

34 il əvvəl yoxa çıxan asteroid göründü: Yerə yaxınlaşır

34 il əvvəl yoxa çıxan asteroid göründü: Yerə yaxınlaşır

Diametri 1,2 kilometrə qədər olan potensial təhlükəli asteroid 34 ildən sonra yenidən Yerə yaxınlaşır. Oktyabrın 3-də o, planetimizdən təxminən altı milyon kilometr məsafədə uçacaq.

Publika.az xəbər verir ki, bu barədə NASA-nın saytı məlumat yayıb. Səma cismi ilə Yer arasındakı minimum məsafə 0,042 astronomik vahid və ya demək olar ki, 6,3 milyon km olacaq. Yerin orbitindən 7,5 milyon km-dən az məsafədə keçən astronomik obyektlər potensial təhlükəli hesab olunur.

Asteroidin diametri, alimlərin fikrincə, 520 ilə 1200 metr arasında ola bilər. Obyektin sürəti saniyədə 20,96 kilometrdir.

Astronomlar asteroidi ilk dəfə 30 sentyabr 1989-cu ildə görüblər. Obyekt 33,5 il ərzində “yoxa çıxdı” və alimlər onu növbəti dəfə 2023-cü il fevralın 13-də müşahidə ediblər.

Asteroid Yer-krosserlərə - Yerin orbitindən keçən asteroidlərə aiddir. Lakin bu o demək deyil ki, belə bir obyekt mütləq planetlə toqquşacaq.

Oxumağa davam et
Reklam
Reklam

Gündəm

Aptekonline