Tarix

Qərb alimləri təsdiqlədi: bunu İLK DƏFƏ TÜRKLƏR EDİB

28 Aprel 2017 13:22

Atlar ilk dəfə indiki Qazaxıstan ərazisində 5,5 min il bundan qabaq əhilləşdirilib.

Publika.az xəbər verir ki, Danimarka, İsveçrə və Fransa alimləri belə nəticəyə gəliblər. Onların fikrincə ilk atlar indikindən daha iri ölçüdə olan ayğırlar olub. Daha sonra mutasiya ilə əlaqədar olaraq ayğırlarda cılızlaşma yaranıb və indiki ölçüyə gəliblər. Alimlər bildirir ki, bu mutasiya prosesi o zamankı insanlar tərəfindən atlar təsərrüfata uyğun gəlsin deyə bilərəkdən edilib.

Alimlər müasir Sibir ərazisində tapılmış 2,7 min yaşlı, Qazaxıstanda isə 2,3 min yaşlı at sümüklərini araşdırmaqla bu qərara gəliblər.

Qeyd edək ki, qazaxlar elə indi də atçılıqla fəal məşğuldurlar. Ümumiyyətlə, at bu türk xalqında bir kultdur. Evə gələn qonaqlara ilk olaraq at südündən hazırlanmış kımız verilir. Ümumilikdə qıpçaq türklərinin sevimli içkisi olan kımız Orta Asiya və Sibir türklərində bu gün də istifadə olunan içkidir.

Şəfiqə ŞƏFA